კვების ობიექტების კერძებში ცხენისა და ვირის ხორცი აღმოჩნდა

0
3971

სურსათის ეროვნულმა სააგენტომ ცხენის ხორცის უკანონო რეალიზაციის ათზე მეტი შემთხვევა გამოავლინა. ამასთან, გამოვლენილია ვირის ხორცის რეალიზაციის ერთი ფაქტი.

„სურსათის ეროვნული სააგენტო ხორცის სახეობრივ კვლევას 2017 წლის მარტიდან ატარებს.

საზოგადოებრივი კვების და სარეალიზაციო ობიექტებიდან აღებულია მზა კერძების და სხვა სახის სურსათის 90 ნიმუში, რომლებიც აკრედიტებულ ლაბორატორიაში შემოწმებულია ცხენის და ვირის ხორცის იდენტიფიცირებაზე.

კვლევის შედეგად გამოვლინდა 12 დარღვევა, კერძოდ, სურსათის ეტიკეტზე მითითებული იყო საქონლის ან ღორის ხორცი და შემადგენლობაში აღმოჩნდა ცხენის, ხოლო ერთ შემთხვევაში – ვირის ხორცი. გამოვლენილი დარღვევების გამო, ბიზნესოპერატორები დაჯარიმდნენ. მათ საეჭვოდ მიჩნეული სურსათის ბაზრიდან გამოთხოვა დაევალათ.

ცხენის ან ვირის ხორცის რეალიზაციის შემთხვევაში, აუცილებელია კანონმდებლობით გათვალისწინებული მოთხოვნების დაცვა. პირუტყვი უნდა იყოს იდენტიფიცირებული, ჩატარებული ჰქონდეს შესაბამისი ვეტერინარული ღონისძიებები (ვაქცინაცია და ა.შ) და უნდა დაიკლას სასაკლაოზე. სავალდებულოა ხორცი იყოს ეტიკეტირებული და მითითებული იყოს ხორცის სახეობა“, – აცხადებენ სურსათის ეროვნულ სააგენტოში.

გთავაზობთ ობიექტების ჩამონათვალს თბილისსა და რეგიონებში, სადაც ცხენისა და ვირის ხორცი აღმოჩნდა.

თბილისი

შპს იბერია – საქონლის ხორცის „ბასტურმა“;

შპს „ნავთლუღის სავაჭრო შემსყიდველი საწარმო“ – საქონლის ხორცის ბასტურმა;

ი/მ ოთარ ხარშილაძე, ახმეტელის მეტროს მიმდებარე ტერიტორიაზე სასადილო – კატლეტი;

შპს „იმედი 2012“, საცალო ვაჭრობის პუნქტი, გლდანის მე-8 მიკრორაიონი, მე-9 კორპუსი – გაყინული ქაბაბი;

შპს „გემო ნახე“, სამგორის ზედა ამოსასვლელი – გაყინული გუფთა;

რეგიონები

შპს „მეგა“, მარკეტი ბათუმში, ანგისის ქ. 2 – გაყინული ქაბაბი;

ი/მ თეიმურაზ ნიაზაშვილი, გორი, შინდისის გზატკეცილი 7 – გაყინული ხინკალი;

ი/მ იასონ გავაშელი , ონი , აღმაშენებლის 56 – გაყინული ქაბაბი;

ი/მ გივი მაისურაძე, ონი, აღმაშენებლის 54 – ქაბაბი

კაფე-ბარი „ჩვენებურები“, ბათუმი, მაიაკოვსკის 1 – ფარში (კოტლეტი);

აგრარული ბაზარი, ბათუმი, ი/მ ბაკუკრი – ფარში;

მარკეტი ქარელი, სტალინის ქ. 40 – ხინკალი „რაჭა“;

სასადილო „მაკრატელა“ ქარელი, ნინოშვილის ქ. 22 – საქონლის ხორცის „ოსტრი“.

კვლევის შედეგად, ვირის ხორცი ერთ ობიექტში აღმოჩნდა. კერძოდ, შიდა ქართლში, ი/მ,,შალვა არჩვაძის” საზკვების ობიექტში გასაყიდად გამოტანილ „ოსტრში“.

NO COMMENTS